En Asthor ofrecemos calquera tipo de servizo tanto en decoración coma en proxectos de interiorismo. Tanto se queres redecorar a túa casa, ou facer unha reforma do teu fogar ou negocio, estamos seguros de que podemos axudarte a conseguir o que queres. Chámanos e cóntanos o que che gustaría facer, seguro que podemos achegar moitas cousas boas.

Despois de máis de 40 anos de experiencia sabemos que en moitos casos o que se necesita é un asesoramento para axudar a tomar as decisións correctas. Á fin e ao cabo estamos a falar de cambiar o espazo que habitas, de facer un investimento económico. Por iso sabemos todas as dúbidas que te poden asaltar na elección da cor, das teas, dun moble, da combinación de elementos, etc. En Asthor estariamos encantados de axudarte a conseguir que todo quede perfecto.

Estamos en República do Salvador, en pleno corazón de Santiago de Compostela. Levamos máis de 40 anos decorando os fogares de Santiago, sen a tenda non se podería entender Asthor. Para nós é importante que poidas visitar a nosa exposición, que poidamos mostrarche as novas tendencias ou as novidades que nos van chegando á tenda. Que poidas ver e tocar o noso catálogo de teas, papeis pintados, ou calquera outra peza na que esteas interesado/a.

Case 150 metros cadrados de tenda en pleno centro de Santiago na que podes coñecer as novidades que constantemente intentamos traer en calquera tipo de peza, xa sexa moble clásico, restaurado, contemporáneo...