Non só as alfómbras se visten 100% de la virxe, a tendencia contaxia a lámpadas, banquetas, ou pouffs, ás knitted stools da mesma firma, imitan trenzados, puños de xersei, ou oitos dun xersei.

As lámpadas de tricot son outro dos exemplos máis interesantes deste tipo de incursións nos obxectos de fogar. Na firma Casamania presentárono confeccionado en lámpadas. En diferentes tons e tamaños, a la pasou a revestir as armazóns nuas das lámpadas, cunha solución divertida.

 

Chámalle vaca se o prefires. As cabezas de animais de esparto foron un boom este ano. A idea de traballar con materiais sinxelos, novas figuras de animais que todos temos interiorizado, achegáronlle frescura a unha tradición moi arraigada no sur. Non só introducen de novo o artesanal no fogar, se non que presentan outra tendencia moi en voga, a Natureza en todo o seu explendor. A firma de Artesanía San José, leva anos traballando as fibras vexetais nos seus deseños, dende cestóns, persianas de esteira, ou alfombras.

Anímovos a ver o vídeo de Expormin, unha firma española punteira no sector do moble, que leva anos facendo as súas pezas co respecto das técnicas tradicionais. Aínda que co paso dos anos diversificaron a súa oferta, e a súa presenza en feiras internacionais, o seu leivmotiv polo traballo ben feito, e un habilidoso trenzado a cargo de mans expertas, que forma, parte do seu máis prezado know-how.